Mahigit 254,000 na overseas Filipinos nakauwi na sa kanilang pamilya

Mahigit 254,000 nang mga overseas Filipinos ang nakauwi na sa bansa at nakapiling na rin ang kanilang mga pamilya.

Ayon ito kay National Task Force (NTF) Against COVID-19 chair Secretary Delfin Lorenzana.

Ani Lorenzana, sa tulong ng pamahalaan ang mga umuwing OFs ay naasistihan para makauwi sa kani-kanilang mga lalawigan.

Mayroon namang mga Pinoy pa sa Sabah na hindi pa naisasailalim sa repatriation.

Sinabi ni Lorenzana na nagpatupad kasi ng moratorium ang Zamboanga, Jolo at Tawi-Tawi sa pagtanggap ng mga uuwing OFs dahil sa tumataas na kaso ng COVID-19.

Mahigit 3,000 pang Pinoy sa Sabah ang naghihintay ng repatriation ayon kay Lorenzana.