Red heavy warning level nakataas sa Sorsogon at Masbate

Nakataas pa rin ang heavy rainfall warning ng PAGASA sa mga lalawigan sa Bicol Region.

Sa inilabas na abiso ng PAGASA alas 8:00 ng umaga ngayong Miyerkules, Oct. 14 red rainfall warning ang nakataas sa Sorsogon at Masbate.

Babala ng PAGASA, maaring makaranas ng severe flooding sa mga flood prone area at sa mga naninirahan malapit sa river channels.

Orange warning naman ang nakataas sa Northern Samar, Catanduanes, Camarines Norte at sa Albay.

Habang yellow warning level naman sa Camarines Sur, Marinduque at Romblon.

Pinapayuhan ng PAGASA ang publiko na mag-antabay sa mga inilalabas na abiso ng weather bureau sa lagay ng panahon.