Sunog, sumiklab sa isang residential area sa QC

Sumiklab ang sunog sa isang residential area sa Quezon City, Martes hapon.

Ayon sa Bureau of Fire Protection (BFP), apektado ng sunog sa bahagi ng Kasunduan Street sa Barangay Commonwealth.

Itinaas sa unang alarma ang sunog bandang 12:59 ng tanghali.

Umabot pa ang sunog sa ikalawang alarma.

Idineklarang fire out sa naturang lugar dakong 2:33 ng hapon.

Samantala, ayon sa Quezon City Disaster Risk Reduction and Management Council (QCDRRMO), isang residente ang binigyan ng first aid matapos makaranas ng hyper ventilation.

Sa ngayon, inaalam pa ng mga awtoridad kung ano ang naging sanhi ng sunog.