62 pang pulis, tinamaan ng COVID-19

Aabot sa 62 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang 6:00, Lunes ng gabi (October 12), 6,471 na ang confirmed COVID-19 cases sa hanay ng pambansang pulisya.

Sa nasabing bilang, 785 ang aktibo pang kaso.

33 namang pulis ang gumaling sa nakakahawang sakit.

Dahil dito, 5,666 na ang total recoveries sa hanay ng PNP sa naturang sakit.

Wala namang pulis na napaulat na nasawi dahil sa COVID-19.

Bunsod nito. 20 pa rin ang COVID-19 related deaths sa pambansang pulisya.