Bilang ng mga pulis na tinamaan ng COVID-19, 6,296 na

Nadagdagan pa ang bilang n kumpirmadong kaso ng coronavirus disease o COVID-19 sa Philippine National Police (PNP).

Sa huling datos mula sa PNP (Huwebes, October 8, 6PM) 6,296 na ang kabuuang bilang ng mga tinamaan ng COVID-19.

Sa nasabing bilang ay mayroong 5,367 na pulis na nakarecover o gumaling na sa sakit kung saan nakapagtala ng 23 na bagong recoveries.

Ang COVID-19 active cases naman ay 909.

Samantala, ang COVID-19 related deaths ay nadagdagan ng 1 kaya umabot na ito sa 20.

Pinayuan ng PNP ang lahat ng kanilang mga tauhan na agad makipag-ugnayan sa PNP Health Service kung makararanas ng sintomas ng COVID-19.