Bilang ng mga nakarecover sa COVID-19 sa Navotas 4,687 na

Tumaas pa ang bilang ng mga gumaling sa coronavirus disease o COVID-19 sa Navotas.

Base sa huling datos ng lungsod (alas-6 ng gabi ng Huwebes, October 8), nasa 4,687 na ang nakarecover sa COVID-19 kung saan 24 ang nadagdag.

Wala namang naitalang bagong nasawi sa lungsod kaya ang bilang ng COVID-19 related deaths ay nanatili sa 141.

Ang bilang naman ng active cases ay 141 kung saan 3 ang nadagdag.

Sa kabuuan umabot na sa 4,969 ang bilang ng tinamaan ng COVID-19 sa lungsod.

Patuloy na paalala ng pamahalaang lungsod ng Navotas na panatilihin ang pagsunod sa mga safety measures para maiwasan ang pagdami pa ng kaso.