Ayon kay Albay Rep. Edcel Lagman, bilang independent opposition ay sinubukan niyang hindi manghimasok sa palabas ng majority coalition sa tunggalian sa pagka-Speaker pero hindi anya nito kayang manahimik bilang myembro ng Kamara dahil nakakasira na ang leadership issue sa buong institusyon at sa interes ng publiko.
Unang binatikos ni Lagman ang suspension sa sesyon ng Kamara ay paglabag sa Section 16(5) ng Article 6 ng Konstitusyon at ang Concurrent Resolution No. 11 na sumasalungat sa kalendaryo ng Kongreso
Bukod dito, election budget din ang pondo sa susunod na taon kaya naman nagpupumilit sa Speakership si Cayetano at mga kaalyado nito.
Iniuugnay din ni Lagman sa ambisyon ni Cayetano na tumakbong Pangulo sa 2022 ang paglabag nito sa term-sharing agreement.
Sa kabila din aniya ng kasunduan na walang pwesto ang papalitan maliban sa posisyon ng Speaker at Accounts Committee, mismong si Cayetano ang lumabag matapos tanggalin sa house leadership ang mga kaalyado ng kalaban na si Marinduque Rep. Lord Allan Velasco.