Heavy rainfall warning itinaas ng PAGASA sa Laguna, Rizal at Quezon

Nagtaas ng heavy rainfall warning ang PAGASA sa mga lalawigan ng Laguna, Rizal at Quezon.

Ito ay dahil sa nararanasang tuluy-tuloy na pag-ulan sa nasabing mga lalawigan dulot ng Low Pressure Area (LPA).

Sa inilabas na rainfall warning ng PAGASA alas 6:00 ng umaga ngayong araw Oct. 7, yellow warning na ang umiiral sa tatlong lalawigan.

Samantala, makararanas din ng mahina hanggang sa katamtamang pag-ulan sa susunod na mga oras ang Bataan, Bulacan, Nueva Ecija at Pampanga.

Habang mahina hanggang katamtaman at kung minsan ay malakas na buhos ng ulan ang nararanasan na sa Metro Manila, Cavite at Batangas.