Halos 300 katao, nahuling lumabag sa mga ordinansa sa Navotas City

Umabot sa 290 ang nahuling lumabag sa ipinatutupad na safety measures at iba’t ibang ordinansa sa Navotas City sa magdamag.

Batay ito sa ulat ng Navotas City police, Task Force Disiplina at mga barangay.

Nahuli ang nasabing bilang ng violators mula 5:00, Linggo ng hapon (October 4), hanggang 5:00, Lunes ng hapon (October 5).

Pinakamaraming nahuling lumabag sa curfew na umabot sa 167 kung saan 112 ang adult habang 55 ang menor de edad.

Sumunod dito ang hindi nagsuot o hindi tama ang pagkakasuot ng face mask na umabot sa 113.

Dalawa naman ang bilang ng mga hindi sumunod sa isa hanggang dalawang metrong physical distancing.

Samantala, anim ang nahuling umiinom habang tatlo sa iba pang ordinansa.