Pahayag ito ng Palasyo matapos magpositibo sa COVID-19 ang mag-asawang Trump.
Ayon kay Presidential Spokesman Harry Roque, hindi maikakaila na malapit na magkaibigan sina Pangulong Duterte at Trump kung kaya hangad nito ang magandang kalusugan ng lider.
“Alam niyo po, malapit na magkaibigan ang ating Presidente at si President Trump. At ang mensahe ni Presidente: He wishes President Trump and his wife First Lady Melania a full and speedy recovery,” pahayag ni Roque.
Matatandaang makailang beses nang ibinida ni Pangulong Duterte na bestfriend na niya ngayon si Trump dahil sa hindi pagsalungat sa kanyang kampanya kontra sa ilegal na droga taliwas sa ginawang pagbatikos noon ni dating US President Barack Obama dahil nauwi na umano sa extrajudicial killings dahil sa dami ng napapatay na drug personalities.