395 katao, nahuling lumabag sa mga ordinansa sa Navotas City

Umabot sa 395 ang nahuling lumabag sa ipinatutupad na safety measures at iba’t ibang ordinansa sa Navotas City sa magdamag.

Batay ito sa ulat ng Navotas City police, Task Force Disiplina at mga barangay.

Nahuli ang nasabing bilang ng violators mula 5:00, Sabado ng hapon (October 3), hanggang 5:00, Linggo ng hapon (October 4).

Pinakamaraming nahuling lumabag sa curfew na umabot sa 205 kung saan 116 ang adult habang 89 ang menor de edad.

Nasa 58 naman ang hindi nagsuot o hindi tama ang pagkakasuot ng face mask.

Aabot sa siyam ang bilang ng mga hindi sumunod sa isa hanggang dalawang metrong physical distancing.

Samantala, dalawa ang nahuling walang suot na damit pang-itaas habang 119 sa iba pang ordinansa.