433 katao, nahuling lumabag sa mga ordinansa sa Navotas City

Umabot sa 433 ang nahuling lumabag sa ipinatutupad na safety measures at iba’t ibang ordinansa sa Navotas City sa magdamag.

Batay ito sa ulat ng Navotas City police, Task Force Disiplina at mga barangay.

Nahuli ang nasabing bilang ng violators mula 5:00, Miyerkules ng hapon (September 30), hanggang 5:00, Huwebes ng hapon (October 1).

Pinakamaraming nahuling hindi nagsuot o hindi tama ang pagkakasuot ng face mask na umabot sa 247.

Sumunod dito ang lumabag sa curfew na umabot sa 152 kung saan 99 ang adult habang 53 ang menor de edad.

13 naman ang bilang ng mga hindi sumunod sa isa hanggang dalawang metrong physical distancing.

Samantala, isa ang nahuling walang suot na damit pang-itaas habang 16 sa iba pang ordinansa.