232 residente sa Central Visayas, gumaling sa COVID-19

Nagkaroon pa ng 23 na kaso ng COVID-19 sa Central Visayas.

Batay sa inilabas na datos ng DOH Central Visayas hanggang September 29, 20,877 na ang confirmed COVID-19 cases sa nasabing probinsya.

Sa naturang bilang, 1,442 ang aktibo pang kaso.

Umabot sa 232 ang bagong gumaling kung kaya 18,165 na ang COVID-19 recoveries.

Umabot naman sa 1,270 ang pumanaw sa Central Visayas bunsod pa rin ng nakakahawang sakit.