Bulacan cybersex den sinalakay, tatlong babae nailigtas

Sinugod ng mga tauhan ng PNP-CIDG ang isang cybersex den sa San Jose del Monte City, Bulacan.

Nailigtas ang tatlong kabataang babae at naaresto ang sinasabing operator na nakilalang si Ma. Cristina Dino.

Nakatakas naman ang sinasabing may-ari na si Marissa Montemor.

Ayon kay CIDG Director Joel Coronel, naaktuhan nila ang tatlong kabataang babae na inilalantad ang kanilang mga katawan sa kanilang online customers.

Aniya, dalawa sa mga nailigtas ay may edad 19, samantalang ang isa naman ay 27-anyos at iniligtas na rin ang isang binatilyo.

Sasampahan ng kasong paglabag sa Anti-Trafficking in Person Act sina Dino at Montemor.