Bahagi ng Zambales uulanin sa susunod na mga oras ayon sa PAGASA

Makararanas ng pag-ulan sa susunod na mga oras ang bahagi ng Zambales.

Sa inilabas na thunderstorm advisory ng PAGASA alas 10:00 ng umaga ngayong Martes (Sept. 29), katamtaman hanggang sa malakas na buhos ng ulan ang mararanasan sa Santa Cruz, Zambales.

Pinapayuhan ang mga residente na maging maingat sa posibleng pagbaha sa mabababang lugar at landslides sa bulubunduking lugar.