Bayabas, Surigao del Sur muling niyanig ng lindol

Muling niyanig ng lindol ang lalawigan ng Surigao del Sur.

Ayon sa Phivolcs, naitala ang magnitude 3.4 na pagyanig sa 111 kilometers northeast ng bayan ng Bayabas, alas-5:30 madaling araw ng Lunes (September 28).

May lalim na 1 kilometer at tectonic ang origin ng pagyanig.

Nauna ng niyanig ng magnitude 3.2 na lindol ang lugar kaninang alas-2:29 ng madaling araw.

Wala namang naitalang pagkasira ng mga ari-arian,intensities at aftershocks bunsod ng pagyanig.

Ang pagyanig ay aftershock ng magnitude 5.7 na pagyanig sa lugar noong September 21 sa lugar.