Ilang lalawigan sa Luzon, makararanas ng pag-ulan

Asahang makararanas ng pag-ulan ang ilang lugar sa Luzon.

Batay sa thunderstorm advisory dakong 11:31 ng umaga, katamtaman hanggang mabigat na buhos ng ulan na may kidlat at malakas na hangin ang iiral sa Zambales, Bataan at Quezon.

Ayon sa weather bureau, iiral ang nasabing lagay ng panahon sa susunod na dalawang oras.

Inabisuhan naman ang publiko na mag-ingat at antabayan ang susunod na update ukol sa lagay ng panahon.