DPWH Regional Office 1 sa La Union, sarado mula Sept. 28 hanggang 30

Isasara nang tatlong araw ang Regional Office 1 ng Department of Public Works and Highways (DPWH) sa La Union.

Sa abiso ng kagawaran, bunsod ito ng isasagawang COVID-19 RT-PCR (swab) test sa mga empleyado.

Pansamantalang isasara ang tanggapan sa bahagi ng Aguila Road sa San Fernando City mula September 28 hanggang 30.

Sinabi ng DPWH na layon nitong matiyak ang kaligtasan ng mga empleyado.

“The swab test will serve as a precautionary measure to make sure that the workplace is safe from COVID-19, since most of employees do field work and exposed outside the workplace,” pahayag ng kagawaran.

Ipatutupad naman ang “work from home arrangement” sa lahat ng empleyado na sasailalim sa swab test habang hinihintay lumabas ang resulta.