Ilan pang barangay quarantine facilities sa Quezon City, binuksan na

Patuloy ang pagbubukas ng ilan pang barangay quarantine facilities sa Quezon City.

Ito ay alinsunod sa direktiba ni Mayor Joy Belmonte sa gitna ng banta ng COVID-19.

Naisaayos na ang quarantine facilities sa pito pang barangay.

Kabilang dito ang mga sumusunod:
– Nagkaisang Nayon
– Sangandaan
– Damayan
– Gulod
– Paang Bundok
– Ramon Magsaysay
– Sta. Teresita

Ilan sa mga naturang pasilidad ay nag-aalaga ng suspect, probable at COVID-19 patients.

Sa ngayon, inaayos na ang mga pasilidad sa San Antonio para umayon sa health standards.

Tiniyak naman ng QC government na handa ang mga barangay sa lungsod sa pagtugon sa mga pangangailangan ng kanilang nasasakupan.