Manila Mayor Isko Moreno naki-usap sa publiko na iwasan ang pagpunta sa Manila Bay Sands

Ngayong may pandemic pa rin ng COVID-19 sa bansa, nakiusap si Manila Mayor Isko Moreno na iwasan muna ang pagpunta sa Manila Bay Sands.

Ayon kay Moreno, mas mainam na sa media na lamang muna makita ng mga tao ang bagong itsura ng Manila Bay.

Mabuti ayon sa alkalde na ipagpaliban na lamang muna ang pagtungo sa lugar para maiwasan ang pagdagsa ng mga tao.

Noong weekend dumagsa ang mga tao sa Manila Bay at nalabag na ang physical distancing.

Nagresulta ito sa pagsibak sa pwesto kay Ermita Police station commander Police Lieutenant Colonel Ariel Caramoan.