Orange rainfall warning, nakataas sa Palawan at Occidental Mindoro

Patuloy na nakararanas ng malakas na pag-ulan ang ilang lalawigan sa Visayas.

Sa abiso ng PAGASA bandang 2:00 ng hapon, ito ay bunsod ng umiiral na Southwest Monsoon o Habagat.

Nakataas ang orange warning sa northern portion ng Palawan at Kalayaan Islands, at maging sa Occidental Mindoro.

Nagbabala ang weather bureau sa posibleng pagbaha sa mabababang bahagi at pagguho ng lupa sa mga mabubundok na bahagi ng mga nasabing lugar.

Inabisuhan ang publiko at disaster risk reduction and management council na maging alerto at tutukan ang pinakahuling lagay ng panahon.