20 bagong kaso ng COVID-19 naitala sa Baguio City; 11 sa mga bagong kaso mula sa isang slaughterhouse

Nakapagtala ng clustering ng kaso ng COVID-19 sa isang slaughterhouse sa Baguio City.

Kahapon, 20 bagong kaso ng COVID-19 ang naitala sa lungsod.

Sa nasabing bilang, 11 ay mula sa isang slaughterhouse na nauna nang nakapagtala ng 5 kaso noong Sept. 14.

Kabilang sa mga bagong kaso na naitala sa slaughterhouse area sa Santo Niño ay isang 2 buwang gulang na sanggol, isang 2 taong gulang na bata at isang 4 na taong gulang na bata.

Ang Baguio ay mayroon nang 483 total confirmed cases ng COVID-19.

Sa nasabing bilang, 121 ang active cases, 11 ang nasawi at 351 ang gumaling.