Sa inilabas na pahayag ng Air Force, mga tauhan ng kanilang 505th Search and Rescue Group ‘Angels’ ang apat na nasawi ngunit hindi pa kinilala ang mga ito.
Bandang 12:33 ng tanghali nang lumipad ang helicopter na patungo sa Jolo, Sulu at dakong 1:24 nang matanggap ang ulat ukol sa pagbagsak ng isang helicopter sa Barangay Upper Manggas sa Lantawan.
Agad na rin ipinaalam sa pamilya ng apat ang trahedya at ang mga labi ay dinala na sa Zamboanga City.
Magsasagawa ang Air Force ng maintenance inspection sa lahat ng kanilang S-76A helicopters at magpapadala din sila ng grupo sa Lantawan para imbestigahan ang insidente.