Ayon sa Department of Foreign Affairs (DFA), lulan ng special repatriation flight EY424 ang 278 na mga Pinoy na umuwi sa bansa galing ng Abu Dhabi.
Lulan din ng nasabing flight ang mga distressed Filipinos mula sa UAE at Spain.
Samantala, mayroon ding 150 Overseas Filipinos na galing Los Angeles ang dumating sa NAIA.
Kahapon din ay nakauwi sa bansa ang mahigit 500 Pinoy na galing ng Saudi Arabia lulan ng 2 special repatriation flights PR683 at SV862.
Habang mayroon pang 250 na Pinoy na umuwi sa bansa galing Qatar.
Lahat ng bagong dating na OFs ay isinailalim sa swab test at dinala sa quarantine facility.
Sa sandaling magnegatibo ay pauuwiin din sila sa kanilang pamilya.