India nakapagtala pa ng mahigit 81,000 bagong kaso ng COVID-19

Umabot na sa mahigit 4.9 million ang kumpirmadong kaso ng COVID-19 sa India.

Sa magdamag, mahigit 81,900 pa ang naitalang dagdag na kaso ng sakit sa naturang bansa.

Mahigit 3.8 million na ang gumaling sa COVID-19 sa India, habang mahigit 989,000 pa ang active cases.

May naitala ding dagdag na mahigit 1,000 na pumanaw sa India dahil sa COVID-19.

Ang kabuuang bilang ng mga nasawi sa naturang bansa ay mahigit 80,800 na.

Ang India ay pumapangalawa na sa US na mayroong pinakamaraming kaso ng COVID-19 sa buong mundo.

Pangatlo naman ito sa mga bansa na nakapagtala ng pinakamaraming bilang ng nasawi.