184 pang kaso ng COVID-19, naitala sa Western Visayas

Nagpositibo ang 184 pang pasyente sa COVID-19 sa bahagi ng Western Visayas.

Ayon sa Department of Health Western Visayas Center for Health Development hanggang September 14, umakyat na sa 7,739 ang mga kumpirmadong kaso ng COVID-19 sa rehiyon.

3,348 sa nasabing bilang ang aktibong kaso ng nakakahawang sakit.

Sinabi nito na 67.29 porsyento ng mga kaso ng COVID-19 ay asymptomatic o walang nararanasang sintomas.

87 naman ang gumaling pa kaya 4,271 na ang total recoveries sa Western Visayas.

Umabot naman sa 120 ang bilang ng nasawi sa rehiyon dahil sa nakakahawang sakit.