Mga nahuling violator sa gitna ng GCQ sa Navotas City, higit 6,800 na

Lagpas 6,800 na ang nahuling lumabag sa ipinatutupad na safety measures sa Navotas City.

Ito ay kasabay ng umiiral na general community quarantine (GCQ).

Sa ulat ng Navotas City Police, umabot sa kabuuang 6,804 ang mga nahuling lumabag sa safety measures para maging protektado laban sa COVID-19.

Sa nasabing bilang, 4,211 ang nahuling walang suot na face mask o hindi tama ang pagkakasuot nito.

Nasa 2,179 katao naman ang lumabag sa curfew.

414 naman ang bilang ng mga hindi sumunod sa isa hanggang dalawang metrong physical distancing.