Sa panayam ng Radyo INQUIRER, sinabi ni health expert Dr. Anthony Leachon, karamihan sa mga naitatalang tinatamaan ng COVID-19 sa Western Visayas ay mga APOR, LSIs at returning Overseas Filipinos.
Ito aniya ang dahilan kaya hindi pa dapat magpaka-kampante sa kabila ng deklarasyong na-flatten na ang curve ng COVID-19 lalo na sa Metro Manila at Calabarzon.
Para kay Leachon, mainam na magdeklara ng modified enhanced community quarantine sa buong Western Visayas sa loob ng dalawang linggo hanggang isang buwan.
Para naman sa Metro Manila, payo ni Leachon, ituloy lang ang mindset ng “voluntary ECQ” upang magpatuloy ang pagbababa ng infection rate.