Provincial Capitol ng Nueva Vizcaya isinailalim sa lockdown

Ipinag-utos ni Nueva Vizcaya Governor Carlos Padilla na pansamantala munang isasailalim sa lockdown ang Provincial Capitol ng Nueva Vizcaya.

Ito ay makaraang magpositibo sa COVID-19 ang isa sa mga Board Members ng lalawigan.

Tatagal ang lockdown hanggang sa September 11.

Habang umiiral ang lockdown, magsasagawa ng contact tracing sa mga nakasalamuha ng COVID-19 patient at pag-disinfect sa mga opisina ng Kapitolyo.

Inatasan naman ng gobernador na mag-work from home muna ang mga empleyado, maliban sa mga empleyado ng PIHO, PDRRMO, Provincial Jail at mga security personnel, upang maagapan ang pagkalat ng COVID-19 virus sa lugar.