43 crew kabilang ang 39 na Pinoy na lulan ng isang barko sa Japan, nawawala

Nagsasagawa na ng search and rescue operations ang mga tauhan ng Japan Coast Guard sa mga nawawalang crew ng isang livestock carrier.

Naglalayag sa East China Sea ang Gulf Livestock 1 nang magpadala ito ng distress call pagsapit sa bahagi ng Amami-Oshima Island.

Lulan ng freighter ang 43 na dayuhang crew kasama ang 39 na Pinoy.

Ang Panamanian-registered vessel ay may sakay ding dalawang Australians at 2 New Zealanders.

Isa na sa mga Pinoy crew ang nailigtas ng coast guard at maayos naman ang kondisyon nito.

Hindi maganda ang panahon sa Japan kahapon dahil sa pananalasa ng Typhoon Maysak.