OB-GYN ward ng Quezon Medical Center isinailalim sa total lockdown

By: Dona Dominguez-Cargullo - 4 years ago

Isinailalim sa total lockdown ang OB-GYN ward ng Quezon Medical Center.

Ito ay makaraang makapagtala ng mga kaso ng COVID-19 sa mga buntis nilang pasyente.

Ayon kay Dr. Belen Garana, head ng QMC OB-GYN department, ang lockdown ay iiral mula August 31 hanggang September 14.

Hindi naman binanggit ni Garana kung ilan na ang mga buntis nilang pasyente na na-infect ng sakit.

Dalawa din sa duktor nila ang positibo sa COVID-19.

Habang mayroon pang ibang staff ng OB emergency at delivery rooms ang na-expose sa mga COVID-19 positive.

Habang nakasailalim sa lockdown, hindi muna tatanggap ng pasyente ang OB-GYN department.

Patuloy namang bibigyan ng atensyong medikal ang mga naka-admit na.