Pagpapauwi sa returning OFWs sa Iloilo, Bacolod City at Negros Province suspendido muna

Inabisuhan ng Maritime Industry Authority o MARINA ang mga manning agency hinggilsa ipinatutupad na temporary suspension sa pagpapauwi ng mga Overseas Filipino Workers (OFWs) sa Iloilo, Bacolod City at Negros Province.

Sa abiso ng MARINA, hiniling sa mga local manning agencies na iwasan muna ang pagdadala ng mga seafarers sa mga paliparan pauwi sa naturang mga lugar.

Ito ay matapos na pansamantalang suspendihin ng mga lokal na pamahalaan ang pagtanggap ng returning OFWs sa kani-kanilang mga lugar.

Ang suspensyon ayon sa MARINA ay nagsimula ngayong araw.

Muli na lamang maglalabas ng abiso ang MARINA kapag maari nang magpauwi ng OFWs sa Iloilo, Bacolod City at Negros Occidental.