Malakanyang kinondena ang dalawang pagsabog sa Jolo, Sulu

Mariing kinondena ng Palasyo ng Malakanyang ang dalawang naganap na pagsabog sa Jolo, Sulu.

Sa inilabas na pahayag, nagparating ng pakikiramay si Presidential spokesperson Harry Roque sa mga naiwang pamilya ng mga biktima.

Nagsasagawa na aniya ng imbestigasyon ang mga otoridad para alamin kung sinu-sinong indibiduwal o grupo ang nasa likod ng pag-atake.

Hinikayat din nito ang mga residente sa Jolo na manatiling alerto.

Agad aniyang i-report sa mga otoridad sakaling makakita ng mga kahina-hinalang indibiduwal o bagay sa lugar.