20 preso patay sa prison breakout sa Madagascar

Umabot sa 20 preso ang nasawi sa prison breakout na naganap sa Madagascar.

Kinumpirma ng justice ministry na inatake ng mga preso ang mga gwardya sa bilangguan, inagaw ang baril at saka nagsitakas.

Nagkaroon ng shootout na ikinasawi ng 20 at ikinasugat ng 8 iba pa.

Marami namang preso ang nagawang makatakas.

Sa 88 nakatakas na preso, 37 ang muli nang naaresto.

Pinaghahanap pa ang 31 pang preso kaya pina-igting na ang checkpoints sa buong Madagascar.