LOOK: Regular na paglilinis sa MRT-3

Regular ang ginagawang paglilinis at pag-disinfect sa mga platform area, mga elevator at escalator at mga pampublikong pampalikuran sa loob ng mga istasyon ng MRT-3.

Ito ay para mapanatiling malinis at ligtas ang mga pasahero kontra sa COVID-19.

Kasabay nito ang ginagawang ‘five-minute disinfection hustle sa tuwing darating ang mga tren sa North Avenue station at Taft Avenue station upang mapanatiling malinis ang mga bagon kapag bumabiyahe ito sa linya.

Pagtitiyak ng pamunuan ng MRT-3 ginagawa ang lahat upang masiguro na ang mga pasahero ay ligtas sa tuwing sasakay ng mga tren sa kabila ng banta ng COVID-19.