Mahigit 700 pang OFWs dumating sa bansa

Mayroong mahigit 700 pang Overseas Filipino Workers (OFWs) ang nakauwi sa bansa ngayong aaw, August 14.

Ayon sa Department of Foreign Affairs (DFA) mayroong 240 na Filipino ang dumating sa bansa galing Saudi Arabia lulan ng Flight SV862.

Maliban dito, dalawang magkahiwalay na commercial repatriation flights din ang dumating galing ng United Arab Emirates lulan ang mahigit 500 Overseas Filipinos.

May mga dumating ding Pinoy na galing ng Amsterdam, The Netherlands.

Ang lahat ng umuwing Pinoy ay isinailalim sa swab test.

Sasailalim muna sila sa quarantine habang hinihintay ang resulta ng swab test.