DA nagpatupad ng ban sa imported chicken products mula Brazil

Nagpatupad ng ban ang Department of Agriculture (DA) sa mga chicken product na mula sa Brazil.

Ito ay kasunod ng ulat na mayroong poultry products sa nasabing bansa na kontaminado ng coronavirus.

Nilagdaan ni Agriculture Sec. William Dar ang memorandum araw ng Biyernes, August 14 na nagpapataw ng ban.

Una nang napaulat na nagpositibo sa coronavirus ang sample na kinuha mula sa frozen chicken wings sa Shenzen, China na inangkat sa Brazil.

Sa kabila ng ban tiniyak ng DA na sapat at hindi kakapusin ng suplay ng chicken products ang bansa.