Lima pang Pinoy abroad, nagpositibo sa COVID-19 ayon sa DFA

Mayroong lima pa na bagong napaulat na nagpositibong Filipino sa COVID-19 sa ibang bansa.

Sa datos ng Department of Foreign Affairs (DFA) hanggang August 14, umakyat na sa 9,878 ang mga kumpirmadong positibo sa COVID-19 na Filipino mula sa 72 na bansa at rehiyon.

Sa nasabing bilang, 3,333 ang patuloy na nagpapagamot sa iba’t ibang ospital.

Mayroon namang dalawang gumaling kung kaya 5,823 na ang overseas Filipinos na naka-recover sa sakit o na-discharge na sa ospital.

Nasa 722 naman ang bilang ng Pinoy abroad na pumanaw dahil sa COVID-19.

Ang Middles East/Africa ang nakapagtala ng may pinakamataas na kaso na 6,889.

Sumunod ang Europe na mayroong 1,146 cases; ang Asia Pacific Region na may 1,059 cases at Americas na mayroong 784 cases.