Landbank nagbabala sa publiko sa kumakalat na pekeng Facebook accounts ng bangko

Nagbabala ang Landbank sa publikosa pagkakaroon ng mga pekeng Facebook accounts na nagpapakilalang mga opisyal at empleyado ng naturang bangko.

Sa abiso ng Landbank, may mga FB accounts na humihikayat sa publiko na magparehistro, magpatala, at magpadala ng pera o load para manalo ng premyo.

Ayon sa Landbank, wala silang ganitong uri ng programa.

Hinimok ng Landbank ang publiko na iwasan ang pagsali sa Facebook pages o groups at mag-ingat sa pagbahagi ng mga personal nilang detalye gaya na lamang ng card number o CVV.

Ang mga impormasyon ay dapat kunin lamang sa opisyal na social media channels o website ng Landbank.