Halos 500 sako ng smuggled na bigas nakumpiska ng Customs sa Cebu

Nakumpiska ng mga tauhan ng Bureau of Customs sa Port of Cebu ang 495 na sako ng Myanmar White Rice.

Ayon sa BOC, tinatayang aabot sa kalahating milyong piso ang market value ng mga nakumpiskang smuggled na bigas.

Ang nasabing mga kargamento ay dumating sa pantalan galing sa Kaohsiung, Taiwan.

Ang sako-sakong bigas ay walang Sanitary at Phytosanitary Clearance mual sa Bureau of Plant Industry.

Naka-consign ang mga kargamento sa isang Theresa Lawas na mula sa Barangay Pansoy, Sogod, Cebu.

Pero nang busisiin ng Customs mula sa Barangay Pansoy, wala umano silang residente na may ganitong pangalan.