Walong volcanic earthquakes naitala sa Mt. Bulusan sa nakalipas na magdamag

Sa nakalipas na magdamag nakapagtala ng walong volcanic earthquake sa Mt. Bulusan sa Sorsogon.

Sa 8AM Bulusan Volcano Bulletin na inilabas ng Phivolcs ngayong Miyerkules, August 12, pawang low frequency lamang ang mga pagyanig.

Ayon sa Phivolcs, indikasyon ito na patuloy ang volcanic process sa bulkan na maaring magresulta sa hydrothermal activity nito o magmatic intrusion.

Sa ilalim ng Alert Level 1, ipinagbabawal ang pagpasok sa four-kilometer radius Permanent Danger Zone (PDZ) ng Mt. Bulusan.

Inabisuhan din ang Civil aviation authorities na payuhan ang mga piloto na iwasan ang pagpapalipad ng eroplano malapit sa summit ng bulkan dahil maari itong magkaroon ng phreatic eruption anumang oras.