Bacoor City Public Market isinailalim sa lockdown, ilang na vendor at staff nagpositibo sa COVID-19

Isinailalim sa isang linggong lockdown ang Bacoor Public Market na mas kilala sa tawag na Zapote Market.

Sa abiso ng City Government ng Bacoor, mayroong mga vendor at isang security marshall ng palengke ang nagpositibo sa COVID-19.

Sila ay pawang nagpositibo sa isinagawang mass testing ng lokal na pamahalaan.

Simula ngayong araw, August 11 sarado na ang palengke at tatagal ito hanggang sa August 18.

Habang nakasailalim sa lockdown ay magsasagawa ng disinfection sa palengke.

Nanawagan ang lokal na pamahalaan sa mga residenteng namamalengke sa Zapote Market sa pagitan ng August 5 hanggang 10 na bantayan ang kalusugan at agad makipag-ugnayan sa barangay kapag nakaranas ng sintomas.