JBC magsasagawa ng online public interview sa dalawang kandidato para sa mababakanteng pwesto sa SC

Isasalang sa public interview ng Judicial and Bar Council (JBC) ang dalawang kandidato para sa mababakanteng pwesto sa Korte Suprema.

Sa abiso ng Supreme Court, ang public interview ay gagawin online sa pamamagitan ng Zoom ngayong araw, Aug. 11.

Kabilang sa sasalang sa public interview sina Apolinario Bruselas Jr. at Alex Quiroz.

Ang iba pang kandidato para sa mababakanteng pwesto ay nauna nang naisailang sa interview ng JBC.

Sa September 18, 2020 ay sasapit sa kaniyang compulsory retirement age si Associate Justice Jose C. Reyes.