Shooting incident naganap sa labas ng White House; US Pres. Donald Trump inilabas ng press briefing room sa kalagitnaan ng presscon

Kinailangang putulin ng Secret Service agent ang press briefing ni US President Donald Trump matapos ang insidente ng pamamaril na naganap sa labas lang ng White House.

Humaharap sa media si Trump at nagbibigay ng update nang lapuatn siya ng isang Secret Agent, binulungan at saka ineskortan palabas.

Ilang minuto ang nakalipas ay muling bumalik sa briefing room ang pangulo ng US at sinabi sa media na may insidente ng barilan at mayroong sugatan na dinala sa ospital.

Under control na aniya ang sitwasyon, at ang suspek ay nabaril ng mga otoridad.

Maliban sa suspek ay wala naman nang ibang nasugatan.