NCR at ilang lalawigan sa Luzon, makararanas ng pag-ulan

Makararanas ng pag-ulan ang Metro Manila at ilang lalawigan sa Luzon.

Sa rainfall advisory ng PAGASA bandang 11:00 ng umaga, ito ay bunsod ng umiiral na Southwest Monsoon.

Sinabi ng weather bureau na asahan ang mahina hanggang katamtamang pag-ulan sa Metro Manila, Pampanga, Zambales, Bulacan at Rizal.

Kaparehong lagay ng panahon din ang iiral aa Quezon partikular sa Dolores, Tiaong, Sariaya, San Antonio at Candelaria.

Uulanin din ang Bataan, Cavite, Laguna at Batangas.

Inabisuhan naman ang publiko na mag-ingat at antabayan ang susunod na update ukol sa lagay ng panahon.