PUV drivers, vendors sasailalim sa “pooled” COVID-19 testing sa Makati

By: Dona Dominguez-Cargullo - 4 years ago

Magsasagawa ng “pooled COVID-19 testing” sa Makati City.

Ayon kay Makati City Mayor Abby Binay, ang pooled testing ay bagong paraan upang sabay-sabay na maisailalim sa test para sa COVID-19 ang isang grupo o komunidad.

Unang sasailalim sa test ang mga drayber ng pampublikong sasakyan pati na rin ang mga nagtitinda sa palengke.

Ani Binay, sila kasi ang higit na exposed sa virus.

Target ng Makati City LGU na maisailalim sa test ang mahigit 10,000 mamamayan.