Walang banta ng tsunami matapos ang M6.1 na lindol sa Cotabato City – Phivolcs

Tiniyak ng Phivolcs na walang banta ng tsunami sa Pilipinas matapos tumama ang magnitude 6.1 na lindol sa Cotabato City, Maguindanao Linggo ng madaling-araw.

Sinabi ng ahensya na yumanig ang malakas na lindol sa nasabing lugar dakong 1:09 ng madaling-araw.

May lalim ang lindol na 489 kilometers.

Sinabi ng Phivolcs na naitala ang mga sumusunod na instrumental intensities:
Intensity 2 – Alabel at Malungon, Sarangani
Intensity 1 – Tupi, General Santos City at Koronadal City, South Cotabato; Kiamba, Sarangani.