Drug suspect, timbog sa buy-bust operation sa Cebu City

Arestado ang isang drug suspect sa ikinasang buy-bust operation sa Cebu City, Biyernes ng umaga.

Ayon sa Philippine Drug Enforcement Agency – Central Visayas (PDEA RO7), isinagawa ang operasyon sa Barangay Duljo Fatima bandang 11:30 ng umaga.

Nakilala ang nahuling drug suspect na si Gervie Segalle, 26-anyos na miyembro ng isang drug group.

Nakumpiska sa suspek ang dalawang pack ng hinihinalang shabu na nagkakahalaga ng P68,000, isang maliit na kahon at ginamit na buy-bust money.

Kasong paglabag sa Sections 5 at 11, Article 2 ng Republic Act no. 9165 ang isasampa laban sa suspek.