BREAKING: 4,063 na dagdag na kaso ng COVID-19 naitala ng DOH; COVID-19 cases sa bansa mahigit 93,000 na

Muling nakapagtala ng record-high sa dagdag kaso ng COVID-19 sa bansa ang Department of Health (DOH).

Sa inilabas na datos ng DOH, 4,063 na dagdag na COVID-19 cases ang naitala ngayong Biyernes (July 31).

Dahil dito, umabot na sa 93,354 ang total confirmed cases ng COVID-19 sa bansa.

Nakapagtala naman ng 165 na dagdag na gumaling sa sakit, kaya umabot na sa 65,178 ang total number of recoveries.

Narito ang mga lugar na nakapagtala ng mataas na dagdag ng kaso:

NCR: 2,153 cases (56%)
Region 7: 558 cases (15%)
Region 4A: 492 cases (13%)

May naitala ding dagdag na 40 na nasawi sa sakit, kaya umabot na sa 2,023 ang bilang ng mga pumanaw sa bansa dahil sa COVID-19.