Pasok sa mga korte sa bansa sa July 31, suspendido

Walang pasok ang lahat ng korte sa bansa sa araw ng Biyernes, July 31.

Ayon sa Supreme Court Public Information Office, ito ay bilang paggunita sa Eid’l Adha o Feast of Sacrifice.

Sa Proclamation No. 985, series of 2020, idineklara ang July 31 bilang regular holiday sa bansa.

Sinabi naman si SC PIO chief Atty. Brian Keith Hosaka na tuloy pa rin ang signing ng Roll of Attorneys para sa mga bagong abogado sa nasabing petsa.